Сургалт

Анагаах Ухаанаар бакалаврын боловсрол эзэмшин их сургууль төгсөж буй Хүний их эмч нь үйлчлүүлэгч төвтэй анагаах ухааны болон нийгмийн эрүүл мэндийн тусламж үйлчилгээг үзүүлдэг өндөр мэдлэг, эмнэл зүйн ур чадвартай, мэргэжлийн ёс зүй, хандлага төлөвшсөн, мэргэшсэн цогц чадамжтай мэргэжилтэн байна. Хүний их эмч нь мэргэжлийн мэдээллийг цуглуулж тайлбарлах, эмнэл зүйн шийдвэр гаргахад санал өгөх, оношилгоо, эмчилгээний тодорхой үйлдлүүдийг хийж гүйцэтгэх чадвартай байна. Хүний их эмч нь харилцагч, хамтрагч, зохион байгуулагч, зөвлөгч, тасралтгүй суралцагч, мэргэжилтэн хэмээх 6 үндсэн үүргийг гүйцэтгэх чадвартай байна.

Уламжлалт анагаах ухааны их эмч

Анагаах ухааны өндөр мэдрэг оношилгооны багажаар нотолсон өвчнийг Монгол анагаах ухааны үндсэн суурь зарчимтай уялдуулан эмчлэх цогц чадамж эзэмшүүлэх, Уламжлалаа хадгалсан, уян хатан, хөрвөх чадвартай, орчин үеийн нийгмийн хэрэгцээ, ажлын байранд тавигдах мэдлэг, ур чадварыг хангасан, дэлхийн Анагаах Ухааны Боловсролын эмч мэргэжилтэн бэлтгэх суурь стандартад нийцсэн хөтөлбөр болно.

Шүдний их эмч

Нүүр ам судлалын мэргэжлийн бакалаврын зэргийн боловсрол эзэмшсэн нүүр амны их эмч нь нүүр амны түгээмэл тохиолдох өвчин эмгэгүүд, согог, гажгуудын оношилгоо, эмчилгээ ба урьдчилан сэргийлэх төрөлжсөн нарийн мэргэжлийн анхан шатны тусламж үйлчилгээг үзүүлэх ур чадвар бүхий бэлтгэлтэй, эмнэлзүйн харилцааны болон гардан хийх ур чадвартай, эмчийн ёс суртахуунаар төлөвшсөн мэргэжилтэн болно.

Био-анагаах судлаач

Анагаах ухааны судалгаа шинжилгээ, хөгжлийг эрчимжүүлж нэн хурдацтай хөгжүүлж байгаа салбар нь био-анагаахын салбар юм. Энэхүү мэргэжлийг эзэмшсэн мэргэжилтэн нь биологийн ерөнхий процесс, халдварт өвчний үүсгэгч, бактери болон вирусийг дархлааны хариу урвал, тархвар судлал, дархлаа оношилгоо, харшил судлал, молекул биологи, вакцин судлал, удамзүйн зөвлөгөө өгөх чадвартай мэргэжилтэн болно.

Нийгмийн эрүүл мэнд судлаач

Нийгмийн эрүүл мэнд судлаач нь нийгмийн эрүүл мэндийн тулгамдсан асуудлыг тогтоох судалгаа хийх, эрүүл мэндэд нөлөөлөх эрсдэлийг илрүүлэх, үнэлэх, түүнийг арилгах, устгахад чиглэсэн ажлыг санаачлан, удирдан зохион байгуулах, хяналт тавих, олон нийтийн эрүүл мэндийг дэмжих болон хамгаалах үйл ажиллагааг салбар дундын оролцоотойгоор шийдвэрлэх мэдлэг чадвартай, анагаахын бакалаврын боловсрол эзэмшсэн мэргэжилтэн байна.

Эм зүйч

Эм зүйн тусламж үйлчилгээ үзүүлэхэд шаардагдах мэдлэг, чадвар, хандлага, ёс зүйг бакалаврын боловсролоор эзэмшсэн мэргэжилтэн болно.

Сувилахуй

Сувилахуйн суурь мэдлэг, сувилахуйн үйл ажиллагааны гардан ажилбаруудыг эзэмшсэн, хүн амын эрүүл мэндэд нөлөөлж буй байгаль, нийгэм, ахуйн орчны хүчин зүйлүүдийг үнэлж чаддаг мэргэжилтэн болж төгсөнө.

Эх барихуй

Хүн амд нөхөн үржихүйн эрүүл мэндийн чиглэлээр эмнэлгийн болон нийгмийн эрүүл мэндийн тусламж үйлчилгээг үзүүлэх, технологи үйлдлийг гүйцэтгэх мэдлэг, ур чадварыг бүрэн эзэмшсэн мэргэжилтэн болно.

Эм найруулагч

Төрөл бүрийн эмийн хэлбэр, эмийн бэлдмэлийг найруулан бэлтгэх, хэрэглэгдэхэд туслах бодисуудыг оновчтой сонгох, эмийн ургамлын түүхий эдийг бэлтгэх, эм эмийн зүйлийг хадгалах, эмийн зохистой хэрэглээг төлөвшүүлэх мэдлэг чадваруудыг эзэмшсэн мэргэжилтэн болно.

Лабораторийн техникч

Эмнэлзүйн лабораторид хийгддэг үндсэн шинжилгээнүүдийг гардан хийх орчин үеийн шинжилгээний тоног төхөөрөмжүүд дээр ажиллах мэргэжлийн ур чадвартай, мэргэжлийн ёс зүй эзэмшсэн эерэг хандлагатай төлөвшсөн мэргэжилтэн болно.

Эх баригч

Эрүүл жирэмслэлт хэвийн төрөлтийг удирдах, гэр бүл төлөвлөлтийн зөвлөгөө, тусламж үзүүлэх чадвартай, жендерийн тэгш байдал, хүчирхийллийн эсрэг дуу хоолой болон дуугарах, өсвөр үе, зорилтот бүлэг рүү чиглэсэн БЗДХ, нөхөн үржихүйн эрхтний хавдраас урьдчилан сэргийлэх болон бусад чиглэлээр ард иргэдэд эрүүл мэндийн боловсрол олгох мэргэжилтэн болно.

Сувилагч

Сувилагч нь түгээмэл болон зонхилон тохиолдох өвчин, эмгэгүүдийн эмчилгээ, оношилгоо, урьдчилан сэргийлэх тусламж, үйлчилгээнд сувилахуйн чиглэлээр анхан шатны тусламж үзүүлэх чадвартай, эрүүл мэндийн боловсрол олгох, хүн амын эрүүл мэндийг дэмжих хамгаалах чиглэлээр сувилахуйн тусламж үйлчилгээг чанартай үзүүлэхэд шаардагдах сувилахуйн ухааны онолын мэдлэг, чадвар, хандлага эзэмшсэн мэргэжилтэн болно.

Уламжлалт анагаахын сувилагч

Уламжлалт анагаахын сувилагч нь өвчин эмгэг, гэмтэл бие махбод сэтгэцийн эмгэгээс урьдчилан сэргийлэх оношлох сувилах, хануур, хатгуур заслын явцад уламжлалтын их эмчид туслах, заслын дараах барих гам дэглэмийн талаар зөвлөгөө өгөх мэдлэг, чадварыг орчин үеийн анагаах ухаантай хослуулан уламжлалт анагаах ухааны сувилахуйн тусламж үйлчилгээг үзүүлдэг мэргэжилтэн болно.

Төгсөлтийн дараах сургалт

СУВИЛАГЧ, ЭМНЭЛГИЙН БУСАД МЭРГЭЖИЛТНИЙ ТӨГСӨЛТИЙН ДАРААХ СУРГАЛТ: ТӨРӨЛЖСӨН МЭРГЭШЛИЙН СУРГАЛТ

1.Элсэлт авах хугацаа Жил бүрийн хичээлийн жилийн намар 9 сард, хавар 2 сард элсэлтийн бүртгэл явагдана.

2. Элсэлт авах сургалтын чиглэл сургалтын хугацаа, төлбөрийн мэдээлэл, элсэгчид тавигдах шаардлага. Жич: ЭМС-ын батлах хяналтын тооноос шалтгаалан тухайн хичээлийн жилд зарим чиглэлээр элсэлт авахгүй байж болно.

Мэргэшлийн чиглэл:

Бүрдүүлэх материал